Miar stellen üs vor

In dr "Keramik-Brancha“ sind miar sit 2003 als selbständigs Unternehma tätig. D SCHWARZ Präzisionskeramik isch us dr ehemoliga Abteilig "Keramische Kerne“ vo dr Firma FEINGUSS BLANK GmbH, ein vo dä füarenda kommerziella Fingüsser in Dütschland, als eigaständigs Unternehma usacho. Zur Zyt sind bi üs 7 Mitarbeiter tätig. Miar als jungs Unternehma händ üs uf d’ Fertigung vo keramischa Kern für Güssereierzügniss spezialisiart. I dä nöchsta Joor werden miar üs dur hervorragendi Qualität, Leistig und Chundazfridaheit uf em dütscha und europäischa Mart etabliara.

Uesera Atrib – üseri Motivation

Natürlich chönntemer a dera Stell di üblicha Phrasa ufzella, wia ma si i dä Film, em Funk und em Fernseh scho tusigmol ghört hät: Bi üs isch dä Chund König…Miar erlediged alles im Handumdreia…Ueseri Priisa sind nid z’ unterbüta…Bi üs cha jeda alles….Etc. Aber mol ehrlich… möchted  Si gern wi en König hofiart  und vo ma allwüssenda Beroter zu ma Dumpingpriis berota werda? Und das Ganza zwüscha Tür und Angel in Null-Komma-Nüt? Wenn Si das gern hetted, sind Si bi üs leider a dä falscha Adressa. Bi üs wird jeda Chund und jedes Projekt ganz individuell betreut. Mit massgschniiderata Idea vo Menscha, vo in irem Bereich sit Johra professionelli Arbet leisted. Persönlichkeit und Individualität stönd bi üserem Schaffa im Vordergrund. Nu so chann a perfekti Leistig entstoh, uf dia Si au in Zuakunft baua chönned.

Wenn miar en Leitspruch hetted… denn wär das öppa: Guati Zämmaarbet basiart uf Vertraua und Zuaverlässikeit.